Me siguri se keni dëgjuar se vitamina C është e domosdoshme për shëndetin e përgjithshëm dhe mirëqenien.

Por, a e keni ditur se vitamina C është po ashtu esenciale për një shëndet të mirë të lëkurës?

Vitamina C është një prej antioksidantëve më të mirë dhe i ndalon shkaktarët primarë të plakjes së parakohshme, duke ju mundësuar lëkurë të ndritshme e të mirë.

Më poshtë i gjeni tri përfitimet më të mira që vitamina C ia sjell lëkurës.

E bën lëkurën më të ndritshme

Përgjatë kohës, faktorët natyralë shkaktojnë ndryshime strukturore në lëkurë, duke shpirë në pigmentim të pabarabartë.

Nga shenjat e plakjes që shkaktohen si pasojë e rrezeve ultravjollcë e deri te hiperpigmentimi, vitamina C i parandalon.

Këtë e bën duke i ndalur reaksionet biokimike që shkaktojnë pigmentim të pabarabartë dhe në mënyrë efikase e bën lëkurën më të ndritshme.

Lëkurë më të mirë

Një tjetër përfitim i vitaminës C është se e rinon sipërfaqen e lëkurës. Vitamina C e rritë prodhimin e substancave të cilat e bëjnë lëkurën më të mirë, duke i reduktuar rrudhat dhe problemet tjera.

E mbron lëkurën

Kjo është pjesa ku vetitë antioksiduese të vitaminës C e bëjnë punën më të mirë.

Vitamina C ndihmon në kundërshtimin e efekteve të stresit oksidativ dhe të rrezatimeve të lira duke i neutralizuar molekulat dëmtuese.

Vitamina C ndër tjerash e forcon edhe sistemin mbrojtës natyral të lëkurës.

Loading...