Kandidati për deputetë nga radhët e koalicionit Nisma-AKR-PD, Behgjet Pacolli, është i ftuar sonte në emisionin Pressing Zgjedhor në T7.

Pacolli ndër të tjera në këtë emision ka folur edhe për arsyen se pse ai është futur në politikë. Ai thotë se nuk kërkon asgjë nga politika por që këtë e bën nga pasioni.

“Shumë shpejt do të vijë ajo ditë kur unë do të kontriboj në Kosovë”, ka thënë Pacolli.

“Jam futur për të parandaluar një të keqe të madhe. Në politikë kam hyrë për të krijuar gjëra të mëdha po nuk kam mundur. Kjo pasi që ai që drejton qeverinë ai pyetet për të gjitha, ai është abc’ja për gjithçka”

Tutje Pacolli ka thënë se po të ishte ai kryeministër rritja ekonomike në vend do të arrinte 8%.

“Vetëm unë e di si arrihet kjo rritje. Duhet që të dojmë vendin. Ashtu arrihet”, ka shtuar ai.