Një shqiptar ka shpëtuar mrekullisht pasi kamioni të cilin e drejtonte është aksidentuar në një urë, para se të futej në tunel.

Aksidenti ka ndodhur gjatë paradites. Shqiptari po udhëtonte drejt Savonës, dhe siç e shikoni në foto, kamioni pasi ka humbur kontrollin është përplasur me parmakët e rrugës.

Kabina e automjetit të rëndë ka përfunduar jashtë ure duke mbetur në ajër, ndërsa koka e trajlerit ka përfunduar 40 metra në greminë.

Menjëherë ka ndërhyrë shërbimi zjarrfikës. Në mënyrë të pabesueshme, shoferi ishte plotësisht i padëmtuar. Ai doli me këmbët e veta nga kabina. Ai u transportua me autoambulancë në spital për një kontroll të detajuar.

Policia bllokoi trafikun në autostradën midis Altare dhe Savonas për ta rihapur vetëm pasdite.