Boris Johnson u zotua sot se do ta çlirojë Britaninë nga “zinxhirët” e BE-së, si Hulku i Pamposhtur.

Kryeministri u zotua se do të injorojë votimin e Dhomës së Përfaqësuesve për vonimin e Brexit nëse negociatat prishen – duke shtuar: “Hulk sa më shumë nevrikoset, aq më i fortë bëhet”.

Deklaratat e kryeministrit britanik vinë përpara bisedimeve të ashpra me shefin e Brukselit, Jean-Claude Juncker.

Ka pasur një optimizëm se ekipi negociues i Britanisë është në prag të një përparimi në prapavijë.

Boris i tha Mail të dielën: “Bruce Banner mund të jetë i detyruar të rrijë në zinxhirë, por kur provokohet ai do të çlirohet prej tyre.”

“Hulk shpëtonte gjithnjë, pavarësisht sa fort ishte i lidhur dhe ky është rasti për këtë vend. Ne do të dalim në 31 tetor dhe do ta përfundojmë.Unë mendoj se do të arrijmë atje. Do të flas me Jean-Claude për mënyrën se si do ta bëjmë”.

“Unë jam shumë i sigurt. Kur e mora këtë punë të gjithë thoshin se nuk mund të ketë asnjë ndryshim në Marrëveshjen e Tërheqjes, ishte e pandryshueshme, marrëveshjet me të cilat Mbretëria e Bashkuar u mbajt e mbyllur në BE përherë, por jo dikush mund ta ndryshojë atë. Ata tashmë janë larguar nga kjo dhe siç e dini po zhvillohet një bisedë shumë, shumë e mirë për të adresuar çështjet e kufirit të Irlandës Veriore” shtoi Johnson.

Loading...