Një polic i punësuar në Stacionin policor për kalimin e kufirit  dhe mbikëqyrje  kufitare Strezimir, dje u privua nga liria me dyshimin se e ka keqpërdorur pozitën zyrtare. Ai nga një shtetas i huaj ka marrë 20 euro.

Sipas SPB Tetovë, efektivë të policisë të SPB  Tetovë  dje (22 shtator) rreth orës 13 e kanë  privuar nga liria A.B. (50)  nga fshati Jançe, pasi që paraprakisht  është denoncuar. Një ditë më parë rreth orës 16 e 20 minuta në rrugën rajonale Hanet e Mavrovës-Dibër polici ka ndaluar një automjet  udhëtimi “kia” me  targa të Ohrit, të cilin e drejtonte shtetasi i Holandës P.V.N. (561) dhe për kinse një shkelje qarkullimi i ka marrë 20 euro.

Polici  është ballafaquar me  kallëzim penal, ndërsa në SPB Tetovë  po punojnë për zbardhjen e rastit.