Ansu Fati tashmë është spanjoll

Ansu Fati mund të luajë për Spanjën në Botërorin e U 17-vjeçarëve.

Sipas asaj që raporton “El Chiringuito”, Këshilli i Ministrave ka aprovuar kërkesën për t’i dhënë pasaportën dhe nacionalitetin spanjoll futbollistit të Barcelonës, Ansu Fati.

Federata e Futbollit të Spanjës është marrë shumë me këtë çështje, pasi pas 16-vjeçarit ishin edhe Portugalia dhe Guniea Bisau.

16-vjeçari është sensacioni i këtij viti, pasi habiti gjithë botën me paraqitjet te Barcelona që në debutim, çka edhe trajneri Ernesto Valverde i ka dhënë më shumë mundësi.

Në total, ai ka luajtur katër ndeshje, ka shënuar dy gola dhe ka dhuruar edhe një asistim