Një drejtues automjeti është arrestuar nga policia shqiptare me akuzën e mitdhënies. Në pranga ka rënë shtetasi V.B., 22 vjeç, banues në Pejë të Kosovës, pasi i ka ofruar ryshfet punonjësit të Policisë Rrugore me qëllim shmangien e masës administrative.

“Ky shtetas në aksin rrugor Durrës-Plepa, ka shkelur rregullat e qarkullimit rrugor duke drejtuar mjetin e tij tej normave të lejuara të shpejtësisë, konstatuar nga agjenti verifikues me Radar, dhe gjatë momentit të ndalimit i ka ofruar punonjësit të Policisë Rrugore së bashku me dokumentacionin dhe 30 euro, me qëllim shmangien e masës administrative”, bëri me dije policia.

Materialet iu referuan Prokurorisë së Rrethit Gjyqësor Durrës në ngarkim të shtetasit të lartpërmendur për veprën penale “korrupsioni aktiv i personave që ushtrojnë funksione publike”.

Të barabartë në relacion me të gjithë

Ndihmojmë qytetarët që në mënyrë më të lehtë ti realizojnë të drejtat dhe liritë e tyre.Avokati i Popullit është organ i pavarur i përcaktuar me Kushtetutë i cili i promovon dhe  mbron të drejtat kushtetuese dhe ligjore të qytetarëve…
Më tepër
Loading...