LSDM i është kundërpërgjigjur akuzave të Mickovskit duke i quajtur sit ë pavërteta dhe një manipulim të rradhës me opinionin public. Lufta kundër kriminalitetit dhe korrupsionit është e pakompromis dhe nuk njes asnjë përkatësi e aq më pak atë politike, thonë nga partia më e madhe në pushtet. Sipas LSDM-së, vetëm VMRO-DPMNE dhe Hristian Mickoski janë kundër drejtësisë, i frenojnë reformat në gjyqësi dhe Ligjin për Prokurorinë Publike. Konstandin Konstandinov përmes një kenference për shtyp akuzoi Mickoskin dhe partinë më të madhe në opozitë se ende udhëhiqen nga Budapesti dhe nga ish lideri i tyre, Nikolla Gruevski.
Konstandin Konstandinov, LSDM
“Në bisedimet që zhvillohen për këtë ligj, VMRO-DPMNE për përfaqësues të saj ka dërguar Antonio Milloshovskin, i dyshuar në rastin “I forti” dhe dezinformator kryesor në pallatin e bardhë. Në vend që menjëherë të kërkojë dorrëheqje, Hristian Mickoski e angazhoi Milloshovskin me çka dëshmoi edhe një herë se VMRO-DPMNE dhe Hristian Mickoski ende udhëhiqen nga instrukcionet prej Budapesti, sipas orientimeve të kriminelit të dënuar në arrati, Nikolla Gruevski. Vetëm gjatë dy muajve të fundit, Milloshovsi dy herë u kap në gënjeshtra seroze me të cilat e dëmtoi edhe kredibilitetin e shtetit”