Nga zhgënjimi që kërkesa e tyre për azil ishte refuzuar, ata i vunë zjarr dhomës së tyre në vendstrehimin në Bad Godesberg, duke filmuar aktin e tyre. Me këtë zjarrvënie, shqiptarët Bledar G. (24) dhe shoku i vet Turi (19) kanë rrezikuar jetën e 150 persona, shkruan “Bild”, përcjell Shtegu.com. Shtatë banorë të vendstrehimit kanë pësuar lëndime.

Në ndërkohë, të dy shqiptarët janë në paraburgim. Për shkak aktit të zjarrvënies së rëndë, ata rrezikohen me nga deri në 15 vite burg. Bledari 24-vjeçar, i cili mund të shihet edhe në video, po monitorohet shumë shpesh në burgun e Kölnit.

Në çdo 15 minuta, një gardian i burgut shikon në qelinë e tij nëntë metra katrorë. Një arsye zyrtare për këtë ritëm kontrolli, institucioni nuk e ka bërë të ditur. Arsyeja e mundshme: JVA Köln tashmë ka bërë përvoja negative me zjarrvënësit.

Loading...