KF Shkëndija ka vazhduar të zhgënjen me rezultate negative në Europë. Skuadra e Qatip Osmanit ka humbur sot kundër një ekipi inferiorë si FC Dudelange të Luksemburgut, i cili ka një vlerë shumë më të vogël se ekipi kampion i Maqedonisë Veriore

KF Shkëndija nuk po dinë për këndellje.

Pasi që zhgënjej kundër ekipit gjysmëprofesional të Estonisë Nomme Kalju, ku u eliminua nga Liga e Kampionëve, djemtë e Qatip Osmanit e kanë filluar me zhgënjim të madh sonte ndeshjen kundër FC Dudelange të Luksemburgut.

Shkëndija e filloi shumë mirë takimin dhe arriti në epërsi që në minutën e gjashtë me anë të Agim Ibraimit nga penalltia.

Kjo pasi një gabimi të mbrojtjes mysafire, e ku u shkaktua penallti që në gol e shndërroi Ibraimi.

Shkëndija pati edhe disa raste të mira për shënim në pjesën e parë, sidomos në minutën 27, 31 dhe 38-të te ndeshjes, por dështoi ta dyfishoi epërsinë.

Edhe pjesën e dytë kampioni i Maqedonisë Veriore e filloi shumë mirë.

Por, gjërat ndryshuan pas minutës së 60-të.

Fajtorë për këtë mund të konsiderohet më se shumti portieri, Bekim Rexhepi.

Fillimisht ai bëri një gabim katastrofal në minutën e 64-të që i dha mundësi Adel Bettaiebit që të barazoi rezultatin, kurse katër minuta më vonë shkakton edhe penallti të cilën në gol e shndërron shqiptari i Dudelange, Danel Sinani

Me këtë rezultat ekipi kampion i Luksemburgut është në pozitë të mirë për të kaluar në rrethin e tretë të kualifikimit të Europa Ligë, pasi që pas një jave pret Shkëndijen në shtëpi të tyre.

Skuadra kampione e Maqedonisë duhet të shënoi dy gola për të kaluar tutje pasi që fitorja prej 1-0 nuk i konvenon asaj.

Loading...
Global