Aktorja e njohur, Jameela Jamil, ka zbuluar se ka abortuar një fëmijë kur ishte më e re. 33-vjeçarja është shprehur se ky ka qenë vendimi më i mirë që ka marrë.

Madje aktorja ka kritikuar Gjeorgjinë për ndalimin e abortit, pasi javën e kaluar u bë shteti i katërt këtë vit që ndalon abortin nëse gruaja është 6-javëshe shtatzënë.

Në një postim në “Twitter”, aktorja e “Good Place” e quajti çnjerëzore vendimin dhe sipas saj, demonstron hapur një urrejtje ndaj grave.

“Ky ligj kundër abortit në Gjeorgji është aq tronditës, çnjerëzor dhe demonstrues i një urrejtjeje ndaj grave, një shpërfillje për të drejtat, organet tona, shëndetin tonë mendor dhe në thelb një dënim për viktimat e përdhunimit, duke i detyruar të mbajnë fëmijën e përdhunuesit të tyre”, shkroi ajo.

“Bëra një abort kur isha e re dhe ishte vendimi më i mirë që kam marrë ndonjëherë. Për të dy, mua dhe foshnjën që nuk e doja dhe nuk isha gati emocionalisht, psikologjikisht dhe financiarisht”, përfundon Jameela.

Image
Image

Të barabartë në relacion me të gjithë

Ndihmojmë qytetarët që në mënyrë më të lehtë ti realizojnë të drejtat dhe liritë e tyre.Avokati i Popullit është organ i pavarur i përcaktuar me Kushtetutë i cili i promovon dhe  mbron të drejtat kushtetuese dhe ligjore të qytetarëve…
Më tepër
Loading...