Presidenti i Ekuadorit shpjegon arsyen e vendimit që solli arrestimin e Assange

Presidenti i Ekuadorit, Lenin Moreno ka shpjeguar vendimin e qeverisë së tij për të tërhequr azilin e aktivistit australian, Julian Assange.

“Sot njoftoj se sjellja e pahijshme dhe agresive e zotit Julian Assange, deklaratat armiqësore dhe kërcënuese të organizatës së tij aleate kundër Ekuadorit, dhe veçanërisht të shkeljes së traktateve ndërkombëtare, e kanë çuar situatën në një pikë ku azili i z. Assange është i paqëndrueshëm dhe nuk është më i suksesshëm”, deklaroi ai.

Ai tha se Assange kishte provokuar vendimin dhe se durimi i Ekuadorit kishte “arritur kufirin e saj”, duke shtuar se Assange kishte thyer rregullisht rregullat e shtëpisë së ambasadës duke instaluar pajisje elektronike dhe të shtrembërimit dhe duke bllokuar kamerat e sigurisë.

Moreno gjithashtu konfirmoi se ai kishte kërkuar udhëzime ligjore që pozita e Ekuadorit ishte e ligjshme dhe “në përputhje me angazhimin tonë të fortë për të drejtat e njeriut”.