28 vjeç dhe thotë se ka 14 vjet përvojë politike. Ministri i Jashtëm në Detyrë, Gent Cakaj, në një intervistë ndryshe ka folur për jetën e tij.

“Angazhimet e para i kam në shkollën e mesme. Me fillimin e shkrimeve politike e më pas deri në moshën 18 vjeçare. Kam botuar në gazetat ditore në Kosovë. Nuk ndihem komod me ato shkrime se tani kam evoluar”.

“Në moshën 15 vjeçare jam bërë pjesë me Vetëvendosjen. Nuk kanë qenë shumë çështje politike, por nga pasioni politik. Ne nuk kemi zgjedhur politikën por ajo na ka zgjedhur ne”.

Ai ka treguar dhe se si e ka përjetuar luftën e Kosovës.

“Familja u nda gjatë luftës dhe unë përfundova në Strugë. Babai im mbeti në Prishtinë dhe pjesa tjetër e familjes ka jetuar në Strugë”.

“Më kujtohet në atë kohë shija e hidhur e jetës. Jeta në rutinë, paniku bëhet i zakonshëm. Lojërat ndërpreheshin kur binte telefoni”, ka treguar ai në Opinion.

Cakaj ka thënë se Shqipërinë e ka vizituar për herë të parë pak vite pas luftës.

Loading...