Kreu i Kuvendit të Maqedonisë së Veriut, Talat Xhaferi ishte pjesëmarrës në Kuvendin shqiptar në momentin kur Kuvendi ratifikoi protokollin për pranimin e Maqedonisë së Veriut në NATO.

Gjatë fjalës së tij, Talat Xhaferri komentoi edhe tensionet që u krijuan në seancë, teksa Paloka qëlloi me bojë në fytyrë kryeministrin Edi Rama.

Ai shprehu falënderime për ratifikimin e protokollit dhe sipas tij  situatat e ndodhura nuk janë të parat.

“Fillimisht dua t’ju siguroj se këto situata nuk janë të parat. Kanë kaluar të gjitha sfidat. Qëllimi është ajo që ndodhi paraprakisht. Ju drejtohem në emrin tim dhe deputetëve në Maqedoninë e veriut të shpreh mirënjohjen që na besuat dhe na mbështetët. Jam dëshmitar i miqësisë së vërtetë. Marrëdhëniet mes dy shteteve janë të lidhura me fijet e forta të miqësisë por edhe në fushën e bashkëpunimit politik kulturor. Jemi të përkushtuar në ndërtimin e një shoqërie për t ë gjithë pa dallime etnike apo sociale. Synimi ynë është krijimi i një shteti demokratik, prandaj punojmë me përkushtim”, tha Xhaferri.

Loading...