I dërguari special i KB-së  në bisedime midis Shkupit dhe Athinës për çështjen e emrit, Methju Nimic, i bëri thirrje Greqisë që të ratifikojë Marrëveshjen e Prespës, pasi që pala e Maqedonisë i plotësoi detyrimet e saj.

Nimici në deklaratën e tij me shkrim , që e publikoi pres shërbimi i KB-së citon se qeveria në Shkup më 16 janar formalisht e njoftoi qeverinë në Athinë dhe atë si i dërguar special se e ka përfunduar procedurën për ndryshimin e Kushtetutës konform Marrëveshjes së Prespës, me çka do të plotësohet pjesa detyrimeve të saj.

“Pas  njoftimit të ish Republikës së Jugosllavisë se ka përfunduar porcedura për miratimin e amendamenteve kushtetuese  dhe procedurave vendore juridike për hyrjen në fuqi të Marrëveshjes  së Prespës, sipas përcaktimeve të saj, ratifikimi  vazhdon në Republikën e Greqisë. Pres me padurim që  ky proces të përfundojë ashtu siç është cituar në Marrëveshje”, shkruan Nimic.

Shton se KB-ja dhe ai si ndërmjetësues edhe më tej janë të përkushtuar në procesin dhe në bashkëpunimin me të dyja palët për zgjidhjen përfundimtare të dallimeve midis tyre.

Sipas paralajmërimeve nga Athina, parlamenti në Greqi sot duhet që të fillojë procedurën për ratifikimin e Marrëveshjes së Prespës. Kryetari i Kuvendit Nikos Vucis, deklaroi se pres që tërë procedura të përfundojë me votim deri në fund të javës.