Sa do të jenë pra të famshme bebet e vegjetarianëve?

Shumë prindër nuk u japin mish bebeve nga arsyet kulturore apo për shkak të problemeve me alergjinë. Mirëpo a është mençuri të bësh vegjetarianin nga foshnja dhe sa mund të ndikojë kjo në shëndetin e bebes suaj?

Sido që të vendosni që ta ushqeni beben tuaj, jeni të obliguar që të mos e rrezikoni shëndetin e saj, transmeton Telegrafi.

– Nëse nëna vendos që fëmija i saj duhet të ushqehet me ushqim vegjetarian, atëherë patjetër duhet të kujdeset për ushqimin me qumësht gjiri.

Qumështi është ushqimi kryesor për të sapolindurin dhe çdo gjë që i jepni fëmijës suaj në vitin e parë nga artikujt ushqimorë është vetëm për të provuar shijen – thotë dr. Ellie Cannon.

Krahas ushqimit me qumësht gjiri, beben vegjetariane është e domosdoshme ta ushqeni me artikuj të cilët mund të kompensojnë energjinë, mirëpo edhe t’i shtoni yndyra esenciale, të cilat do ta avancojnë zhvillimin e saj.

– Bebja pas muajit të gjashtë duhet të hajë dy racione plot proteina, të cilat gjenden në bishtajore, qiqra dhe pure humusi – thotë në vazhdim dr. Cannon.

Bebes i është e nevojshme energjia, por edhe kaloritë. Të gjitha këto janë të mundshme në shfrytëzimin e drithërave integrale, vetëm që është me rendësi të shtoni sasinë e tyre.

Loading...