Një nga aktorët më të dëshirueshëm të Hollywoodit, vetëm një vjet e gjysmë pas divorcit, është fejuar me të dashurën e re Katherine Schwarzenegger, pas shtatë muajve qëndrimi në lidhje.

Lajmi i mirë u njoftua nga aktori në profilin e tij Instagram.

“E dashura Katherine, unë jam aq i lumtur që më the po. Jam i kënaqur të martohem me ty. Krenar të jetoj me ju në besim. T’ia fillojmë”, shkruan ai.

Fotoja tregon qartë unazën e fejesës dhe ka marrë komente të shumta pozitive nga fansat, duke iu uruar atyre fat.

Chris ishte i martuar me aktoren Anna Faris, nga e cila u divorcua në vitin 2017, pas tetë vjet qëndrimi së bashku.