Tre vajza, dy të mitura dhe një e re, në Kamëz, akuzohen për një plagosje me dashje, në bashkëpunim.

Burime nga komisariati i Policisë nr. 5, të kamzës, bëjnë të ditur se dje, u arrestua në flagrancë e reja D. Sh., 28 vjeçe, ndërsa u referuan materialet në Prokurorinë pranë Gjykatës së Shkallës së Parë Tiranë, për dy vajzat e mitura F. Sh., dhe O. Sh., vjeç 17 e 15, banuese në Kamëz.

Policia nuk jep më shumë detaje për veprën kriminale të dyshuar, si të kryer nga këto vajza, të cilat janë motra midis tyre.

Komisariati i Policisë Nr. 5

Më datë 01. 11. 2018, u arrestua në flagrancë shtetasja D. Sh., vjeçe 28, dhe u referuan materialet në Prokurorinë pranë Gjykatës së Shkallës së Parë Tiranë, për shtetaset e mitura F. Sh., dhe O. Sh., vjeç 17 e 15, banuese në Kamëz. Nenet 88 e 25 të Kodit Penal.

Neni 25

Kuptimi i bashkëpunimit

Bashkëpunim quhet kryerja e veprës penale nga dy ose më shumë persona me marrëveshje ndërmjet tyre.

Neni 88

Plagosja e rëndë me dashje

(Ndryshuar paragrafi i dytë me ligjin nr. 144/2013, datë 02. 05. 2013)

Plagosja e kryer me dashje që ka sjellë si pasojë gjymtimin, shëmtimin ose çdo dëmtim tjetër të përhershëm të shëndetit, ndërprerjen e shtatzënisë, ose ka qenë e rrezikshme për jetën në çastin e shkaktimit të saj, dënohet me burgim nga tre gjer në dhjetë vjet.

Po kjo vepër, kur është kryer kundër disa personave, kundër personit që është bashkëshort, ish-bashkëshort, bashkëjetues apo ish-bashkëjetues, gjini e afërt ose krushqi e afërt me autorin e veprës penale, ose kur ka sjellë si pasojë vdekjen, dënohet me burgim nga pesë deri në pesëmbëdhjetë vjet.