Erërat e forta që janë paraqitur gjatë ditës së sotme në Gjilan kanë dëmtuar pullazin e një objekti kolektiv tek “Fidanishtja 1”.

Siç njofton Komuna e Gjilanit, me të marrë informatën, Drejtoria për Mbrojtje dhe Shpëtim së bashku me Njësitin e Zjarrfikësve menjëherë kanë dalë në vendin e ngjarjes, duke e larguar pjesën e metalt, e cila do të rrezikonte jeten e qytetarëve.

Drejtori për Mbrojte dhe Shpëtim, Sami Spahiu, ka njoftuar se përpos këtij dëmi material, nuk është raportuar ndonjë problem tjetër nga ana e qytetarëve, ndërkaq gjendja është normalizuar.

Komuna apelon qytetarët që të kenë kujdes të shtuar në momentet kur ka erëra të forta dhe të qëndrojnë në shtëpitë e tyre, ndërsa për çdo problem eventual të raportojnë në numrat e emergjencave: 112 dhe 193.