Në Akademinë Përkujtimore për 20 vjetorin e rënies së heroit të Kombit, kolonel Ahmet Krasniqi dhe Qazim Jakupi, presidenti i Kosovës, Hashim Thaçi ka thënë lufta e UÇK-së bëri që gjithë atdhetarët kudo që ishin të bashkohen pa dallime politike për pavarësi.

“Kolonel Ahmet Krasniqi bëri mobilizimin e të gjithëve për luftën që solli lirinë e Kosovës. Duke u bazuar në mandatin tim, ndaj medaljen presidenciale për familjen Krasniqi. Po ashtu duke nderuar veprën e Qazim Jakupit për liri, nderoj edhe familjen Jakupi me medaljen presidenciale”, tha ai.

Kryeministri Ramush Haradinaj tha se shqiptarët jeta i ka kthyer në shtegtarë, por sot është obligimi  që të kthehet ministri  Ahmet Krasniqi.

“Ahmet Krasniqi sot kthehet në Prishtinë, afër presidentit Rugova”, tha Haradinaj, duke shtuar se bashkë me të kthehet edhe dëshmori Qazim Jakupi. Ai premtoi së shpejti do të rivarroset në Prishtinë edhe Ilir Konushevci.

Në emër të bashkëluftëtarve ka folur ministri I FSK, Rrustem Berisha. Interesimi i madh i qytetarëve për të marr pjesë në këtë akademi ishte i madh.

Image

Ahmet Krasniqi dhe Qazim Jakupi do të rivarrosen në varrezat e dëshmorëve në Velani..

Homazhe për heroin, kolonel Ahmet Krasniqi dhe Qazim Jakupi

Në hollin e Kuvendit të Kosovës kanë nisur homazhet në nderim të ish ministrit të mbrojtjes, heorin e kombit, kolonel Ahmet Krasniqi dhe Qazim Jakupi.

Image

Pos familjarëve, në ceremoni po marrin pjesë edhe krerët e shtetit.

Kryeministri i Kosovës, Ramush Haradinaj, kryeparlamentari Kadri Veseli dhe disa personalitete tjera kanë bërë homazhe si dhe janë nënshkruar edhe në librin e zisë të vendosur në holl.

Ndërkaq, pas homazheve, për kolonel Krasniqin dhe Jakupin do të mbahet një akademi përkujtimore në Teatrin Kombëtar nga ora 12:30.

Kurse, ceremonia e rivarrimit do të nisë nga ora 14:00 në varrezat e dëshmorëve në kryeqytet.

Image

***

Sot në hollin e Kuvendit të Kosovës do të bëhen homazhe në nderim të ish ministrit të mbrojtjes, heorin e kombit, kolonel Ahmet Krasniqi dhe Qazim Jakupi.

Pas homazheve në hollin e Parlamentit të Kosovës, do të mbahet një Akademi Përkujtimore në Teatrin Kombëtar në Prishtinë dhe pastaj do të bëhet rivarrimi në Varrezat e Dëshmorëve në kryeqytet.

Homazhet në Kuvend do të mbahen nga ora 10:00 deri në 12:00, në 12:30 do të ketë akademi përkujtimore për kolonel Ahmet Krasniqi ndërsa në orën 14:00 do të jetë ceremonia e rivarrimit në varrezat e dëshmorëve në Prishtinë.

Kohë më parë Qeveria e Kosovës ka marrë vendimin për kthimin e eshtrave të Ahmet Krasniqit  dhe Qazim Jakupit në vendlindje.

Ndryshe, kolonel Ahmet Krasniqi është vrarë më 21 shtator 1998, në Tiranë.