Seanca e sotme për lëndën “TNT” për prishjen e kompleksit banesor-afarist “Kosmos” të biznesmenit Fijat Canoski, është shtyrë për më 10 shtator, sepse avokati i ish-kryetarit të komunës së Gazi Babës, Toni Trajkovski, Boro Tasevski, nuk u paraqit në sallën gjyqësore, për çka nga gjykatësi Ognen Stavrev mori dënim me burg në vlerë prej 1.000 euro, në kundërvlerë të denarit.

Menjëherë pas fillimit të seancës gjyqësore, gjykatësi Stavrev dha pushim prej gjysmë ore me qëllim që Trajkovski t’i bëjë thirrje avokatit ose të emërojë avokat tjetër për seancën e sotme.

Pas pauzës, Trajkovski theksoi se ka kontaktuar me Tasevskin dhe se ai megjithatë nuk mund të marrë pjesë në seancë sepse është në mbrojtjen e ish-ministres së Punëve të Brendshme, Gordana Jankulloska, për rastin “Tank”.

Gjykatësi Stavrev e ka shtyrë gjykimin për më 10 shtator për shkak të mos sigurimit të mbrojtjes për të akuzuarin Trajkovski dhe caktoi gjobë për Tasevskin, për çka, siç theksoi ai, shpërfillje të gjykatës.

Për lëndën “TNT”, për prishjen e kompleksit banesor-afarist “Kosmos” të biznesmenit Fijat Canoski, midis të akuzuarve janë ish-kryeministri Nikolla Gruevski, ish-ministri i Transportit dhe Lidhjeve, Mile Janakievski dhe ish-kryetari i komunës së Gazi Babës, Toni Trajkovski.

Sipas aktakuzës së PSP-së, të akuzuarit në vitin 2011 kanë bërë vepër penale me motive të urrejtjes politike me prishjen e kompleksit “Kosmos” të Fijat Canoskit.