Zëvendëskryeministri italian, Mateo Salvini tha sot se Franca duhet të tregojë më shumë solidaritet dhe ndjeshmëri kur është fjala për emigracionin, dhe t’i japë fund politikës së kthimit të emigrantëve, të cilët përpjekën të hyjnë në Francë në vendkalimin kufitar Ventimilia.

“Presidenti francez Emanuel Macron të jetë i pari që tregon solidaritetin dhe një ndjenjë të ri-hapjes së kufirit në Ventimilian”, tha Salvini pas një takimi me Kryeministrin hungarez, Viktor Orban, në Milano, raportojnë mediat italiane.