27 palë duar njerëzish, të shkëputura misteriozisht janë gjetur në një ishull të mbuluar me akull në Rusi.

Zbulimi tronditës u bë pranë qytetit të Khabarovskit në Lindjen e Largët të Siberisë, afër kufirit me Kinën.

Të gjitha, 54 duart ishin në një thes. Një tjetër – i parë nga një banor lokal – ishte shtrirë veçmas në një ishull të mbuluar me dëborë në lumin Amur rreth 18 kilometra në drejtim të rrymës nga kufiri rus me Kinën.

Ato ishin vendosur në një vend popullor për peshkimin, por vendasit thanë se nuk kishin parë ndonjë gjë të dyshimtë së fundmi.

The Siberian Times tha se ishte një “mister fakti se kujt i përkisnin duart, kur u copëtuan dhe pse”.

Gjurmët e gishtërinjve u gjetën në njërën anë dhe të tjerët u kontrolluan. Një teori e tmerrshme është se duart mund të ishin eliminuar si një dënim për vjedhje. Një tjetër është se duart u ndanë nga trupat e vdekur në një spital – por është e paqartë pse kjo mund të ndodhte.