Presidenti i Serbisë, Aleksandar Vuçiq, deklaroi se ai nuk dëshiron të marrë pjesë në asgjë që do të çonte në luftë, por edhe propozimi me të cilin do të dalë përpara qytetarëve të Serbisë në lidhje me Kosovën sigurisht që nuk do të jetë “të dashur shqiptarë, ne ju japim gjithçka”.

“Unë patjetër do të dalë me propozimin, pasi nuk isha frikacak edhe kur zbatuam reformat fiskale, për të cilat mburremi, por edhe për lëvdatat e tjera. Do të kem guxim të them se cili është propozimi. Nëse nuk do ta kishim, do të kishim konflikt të ngrirë”, tha presidenti serb, njofton agjencia serbe e lajmeve, “Tanjug”.

“Për zgjidhjen e çështjes së Kosovës, do të them se çfarë mendoj në fund të prillit”, tha Vuçiq, duke vënë në dukje se idetë që po rishfaqen ditëve të fundit, lidhur me ndarjen e Kosovës dhe modelet e ngjashme, nuk janë serioze “kurse ne duhet të shkojmë me qëllime serioze”, përcjell Telegrafi.

“Unë do ta bëjë publik qëndrimin tim në fund të prillit, sepse mendoj se duhet të kemi ide dhe orientim pozitiv në zgjidhjen e kësaj çështjeje”, tha Vuçiq.

Vuçiq në emisionin “Cirilica”, pyeti se “nëse ne serbët për shkak të asaj se jemi të zemëruar, për shkak se kemin përjetuar padrejtësi, bombardime, duhet t’i prejmë vetes edhe një dorë në të ardhmen?”