Kryengritësit afganë kanë vrarë nëntë policë në sulme të kryera natën e kaluar.

“Në dy sulme ndaj pikave kontrolluese në provincën Farah, Afganistani Perëndimor, janë vrarë tetë policë”, kumtoi zëdhënësi i guvernatorit të Farah, Muhamed Naser Meri.

Ai shtoi se në të shtënat janë vrarë edhe 13 kryengritës.

Në të njëjtën kohë të dy sulmuesit në provincën Kapisa, Afganistani lindor, kanë vrarë edhe një polic.

Zëdhënësi i provincës, Kais Kaderi deklaroi se janë arrestuar sulmuesit si dhe pesë të dyshuar.

Tani për tani askush nuk e ka ndërmarrë përgjegjësinë për sulmet.