Një film i regjisores rumune Adina Pintilie ka shkaktuar shumë bujë në Berlinalen e këtij viti.

Filmi titullohet “Touch Me Not” dhe përmban shumë skena seksi dhe lakuriqësi.

Gjatë shfaqjes së parë të filmit eksperimental, shumë shikues e braktisën kinemanë para kohe, raporton Bild.

Por ata që mbetën, e vlerësuan filmin me shumë duartrokitje në fund.

Filmi i artistes dhe regjisores rumune vëzhgon njerëzit e ndryshëm në praktikat e tyre seksuale.

Regjisorja thotë se qëllimi i filmit ka qenë që të zbulojë se çfarë është intimiteti.

“Është një punë kërkimore. Ishte një proces i gjatë, por në fund rezultoi në një histori dashurie shtatëvjeçare për të gjithë ne”.

Pavarësisht largimit të shikuesve, presidenti i jurisë, Tom Tykwer duket i kënaqur.

Para fillimit të Berlinales 68 ai kishte paralajmëruar se do kishte filma të egër dhe të rëndë.