Deputeti i Kuvendit të Kosovës nga radhët e Nismës Socialdemokrate, Haxhi Shala, ka thënë se kjo parti do të votojë pro ratifikimit të Marrëveshjes së Demarkacionit me Malin e Zi.

“Kryetari i partisë sonë, Fatmir Limaj, ka negociuar në marrëveshjen me Malin e Zi dhe ne jemi pro kësaj marrëveshjeje, do të votojmë pro ditën e enjte”, ka thënë Shala në Klan Kosova.

“Besoj që kryeministri dhe të gjithë liderët kanë negociuar me partnerët e tyre, LDK është deklaruar pro, ka mbetur të bisedohet me Listën Serbe. Kjo çështje është veç e përfunduar dhe shpresoj që të enjten të votohet”, ka shtuar Shala.

“Pa aneks-marrëveshjen nuk ka mundur të kalojë kjo marrëveshje që nga vitin 2015. Marrëveshja është garanci që na jep mundësi t’i rishikojmë pikat se ku ka pasur lëshime në marrëveshjen e kaluar”, është shprehur ai.