Këngëtari i famshëm britanik vetëm pak ditë më parë bëri publike romancën e tij me aktorin e “13 Reasons Why”, Brandon Flynn.

Në një intervistë për revistën prestigjose “V Magazine”, Sam Smith ka pozuar me një kurorë mbi kokë dhe me një varse me diamante si simbol i gjendjes së tij shpirtërore.

25-vjeçari është shprehur se më në fund ndihet i plotësuar me jetën e tij. Karriera po shkon shumë mirë, jeta intime po ashtu madje është shumë i kënaqur edhe me peshën trupore.

“Për herë të parë meritoj të jem i lumtur. Nuk mund ta besoj që çdo gjë në jetën time po shkon për mrekulli”– është shprehur Smith ndërkohë që ka shtuar se epoka kur ai shkruante balada melankolike ka marrë fund.

Ai është gati të krijojë muzikë ritmike dhe me peshën e tij të re do të jetë i aftë edhe të kërcejë si gjithë këngëtarët e tjerë të cilët i ka idhull.