Të paktën 21 njerëz humbën jetën në perëndim të Kamerunit, ndërsa 38 të tjerë u lënduan kur autobusi doli nga rruga dhe goditi një pemë.

Guvernatori i rajonit perëndimor të Kamerunit Avah Fonka tha se numri i viktimave ka gjasa të rritet.

Qeveria e Kamerunit njoftoi se automjeti i paregjistruar me 70 pasagjerë po shkonte nga Dschang drejt Douala në rajonin perëndimor.

Fonka tha se është akoma shumë herët për të përcaktuar shkakun e aksidentit.

Të lënduarit po trajtohen në një spital lokal, transmeton Fox News.