Një serb nga Prokupla e Serbisë  ka paguar 1500 euro një agjenci ndërmjetësues që t’ia gjente e t’ia dërgonte nga Shqipëria një nuse, e cila i ka ikur nga shtëpia para natës së parë të martesës.

Siç raportojnë mediat serbe, dhëndri e kishte kërkuar dy ditë nusen e pastaj rastin e kishte paraqitur në polici, transmeton Indeksonline.

“Një burrë nga Prokupla ka rënë në kontakt me njëfarë agjencie nga Shqipëria dhe ia ka dhënë rreth 1.500 euro për t’i gjetur grua. Përfaqësues të agjencisë u paraqitën shpejt e nusja shkoi në Serbi me një grua e një burrë i cili u paraqit si daja i saj. Vajza është dashur të qëndronte në shtëpinë e dhëndrit ‘për provë’ e pastaj të martoheshin”, ka thënë një burim i afërt i familjes së dhëndrit.

Mirëpo, nuk shkoi ashtu sic u planifikua, pasi që në natën parë, nusja iku nga shtëpia e burrit.

“ Burri i dëshpëruar u përpoq ta gjente, dy ditë e lypi nëpër qytet, por nuk e gjeti. Supozohet që ajo tashmë të jetë thyer në Shqipëri. Burri rastin e paraqiti në polici, e cila tani po përpiqet t’i gjejë mashtruesit”, ka thënë tutje familjari.