Roma ka marrë pikët e plota kundër Cagliarit në “Olimpico”.

Roma ka marrë tri pikë kundër Cagliarit në “Olimpico”, duke fituar 1:0.

Golin e fitores e shënoi Federico Fazio në minutën e 94’, teksa ishin dhënë gjashtë minuta shtesë.

Roma humbi edhe një penalti në këtë ndeshje. Diego Perotti dështoi nga pika e bardhë në minutën e 53’të, gabim që mund t’i kishte kushtuar shumë Romës nëse VAR do t’ia anulonte golin Fazios, që ishte gol i diskutueshëm.

Pas kësaj fitore të rëndësishme, Roma ka grumbulluar 38 pikë, aq sa Juventusi dhe vetëm dy më pak se Interi në pozitën e dytë, por ekipi i Di Francescos ka një ndeshje më pak të zhvilluar.