Ministri i Zhvillimit Ekonomik Valdrin Lluka, sot ka marrë vendim për ndalimin e përdorimit të automjeteve zyrtare të MZHE-së, pas orarit të punës.

Vendimi i Ministrit Lluka që mban datën 08.12.2017 parasheh këto pika:

Shfuqizohen të gjitha vendimet në fuqi, për përdorim të automjeteve zyrtare pas orarit të rregullt të punës.

Përdorimi i automjeteve zyrtare pas orarit zyrtar dhe për udhëtime jashtë vendit është i mundshëm me vendim të ministrit pas propozimit me shkrim nga ana e sekretarit të përhershëm.

Të gjitha automjetet e regjistruara me nga dy (2) palë targa urdhërohen të përdorimin vetëm targat zyrtare sipas legjislacionit në fuqi.

Gazeta Express pak ditë më parë ka raportuar se si një veturë zyrtare e Zëvendësministrit të Tregtisë dhe Industrisë, Faton Thaçi, ishte e parkuar në oborrin e një moteli, me targa 3z-118-15, në Malishevë.