Një bankë e nivelit të dytë në qytetin e Laçit është grabitur nga persona të maskuar dhe të armatosur.

Ngjarja ka ndodhur rreth orës 17:00 të së premtes, në qendër të qytetit 100 metra larg komisariatit të policisë.Mësohet se grabitësit të cilët kanë qenë më shumë se dy persona kanë kërcënuar rojën e bankës dhe më pas kanë thyer xhamin dhe kanë hyre brenda. Ata kanë marrë një sasi parash, të cilat ishin në përpunim nga punonjësit e bankës dhe janë larguar me një automjet.

Policia ka vonuar pak minuta për të shkuar në vendin e ngjarjes, pasi i gjithë komisariati i policisë ishte në dreken festive të fundvitit në një lokal në Mamurras.

Siç duket autoret kanë qenë në dijeni të këtij fakti dhe kanë vepruar pa u shqetësuar.Në lidhje me ngjarjen policia bën të ditur se kanë nisur hetimet, ndërsa janë ngritur disa pika kontrolli për kapjen e autorëve. Gjithashtu janë sekuestruar kamerat e sigurisë së bankës, ku ndodhi grabitja dhe po merren në pyetje punonjësit e bankës në fjalë.

Ende nuk dihet shumë e parave të grabitura, por sipas të dhënave mësohet se është një sasi e konsiderueshme