Plumba ndaj punonjësit të policisë, i plagosuri në luftë me vdekjen, në lëvizje helikopteri i ministrisë

Detaje të reja janë bërë me dije lidhur me plagosjen e punonjësit të policisë Ardian Roçi në Dibër pasditen e sotme.

Sipas informacione zyrtare të policisë së Dibrës, i plagosuri është në gjendje të rëndë shëndetësore dhe një helikopter i Ministrisë së Mbrojties është vënë në lëvizje për transportimin e tij nga spitali i Peshkopisë drejt Tiarnës, për mjekim më të specializuar.

Policia njofton se:

Rreth orës 19:10, policia u njoftua se është dërguar në spital për të marrë ndihmë mjekësore një shtetas i plagosur me armë zjarri.

Menjëherë është ngritur grupi hetimor dhe nga verifikimet paraprake ka rezultuar se:

Shtetasi Naim Muliu, 55 vjeç, banues në Peshkopi, punonjës policie, me detyrë Ndihmës Specialist në Seksionin e Teknologjisë dhe  Përgjimit në Drejtorine Vendore të Policisë Dibër, duke u kthyer me mjetin e policisë nga një shërbim pune nga Maqellara për në Peshkopi, me shtetasin A.R., me detyrë Specialist i IT, (punonjës civil në Drejtorinë Vendore të Policisë Dibër), dyshohet se pas një konflikti të çastit e ka plagosur me pistoletë këtë të fundit.

I dëmtuari ndodhet në gjëndje të rëndë për jetën në Spitalin e Peshkopisë.

Një helikopter i Ministrisë së Mbrojties është nisur  për ta percjellë drejt Tiranës për ndihmë më të specializuar.

Autori i dyshuar është arrestuar për veprën penale “Plagosje e rëndë me dashje”.

Grupi hetimor vijon hetimet për zbardhjen e plotë të rrethanave të kësaj ngjarje.

Në drejtim të Dibrës është nisur menjëherë Zvdrejtori i Përgjithshëm i Policisë së Shtetit së bashku me një grup specialistësh.