Dukshmëri të zvogëluar për shkak të paraqitjes së mjegullës nga 100 deri 150 metra ka në rrugën Kumanovë – Kriva Pallankë, nga 50 deri në 70 metra në aksin Negotinë – Demir Kapi dhe nga 50 deri 100 metra në rrugët Shkup – Katllanovë dhe Shkup – Milladinoc, informon Lidhja Auto-Moto e Maqedonisë (LAMM).

Komunikacioni në rrugët në vend po zhvillohet kryesisht nëpër rrugë të thata. Në vendet më të larta rrugët janë të lagështa.

Nga 15 nëntori, në fuqi hyri detyrimi ligjor për posedim të obligueshëm të pajisjeve dimërore në automjete, pa e marrë parasysh gjendjen momentale të motit. Ky detyrim do të zgjasë deri më 15 mars të vitit 2018.

Intensiteti i qarkullimit në rrugët jashtë mjediseve urbane është mesatar. Në vendkalimet kufitare nuk ka ndalesa më të gjata për hyrje dhe dalje nga shteti. Ky informacion ka të bëjë vetëm për anën e vendkalimeve kufitare të Maqedonisë.

LAMM rekomandon lëvizje të kujdesshme, shpejtësi të përshtatur të lëvizjes dhe pajtueshmëri me sinjalizimin e caktuar të qarkullimit. Në grykat është e mundur rrëshqitje e tokës, sidomos në rrugët: Koçan – Makedonska Kamenicë – Dellçevë, Vinicë – Berovë, Gostivar – Strazhë, Mavrovë – Dibër – Strugë, Demir Kapi – Udovë, Katllanovë – Veles, Krushevë – Demir Hisar dhe Resnjë – Bukovo