Festat e fundvit jo rrallëherë sjellin raste të rënda për mjekët e QKUK-së në Prishtinë. Kjo për shkak të përdorimit të pakujdesshëm të mjeteve piroteknike nga qytetarët.

Mjeku Korab Berisha në profilin e tij në Facebook ka shpërndarë disa pamje shumë të rënda të një rasti që kishte përfunduar keq nga mbajtja e mjeteve piroteknike në dorë.

Ai thotë se në vitin e kaluar kishte pasur ‘fatin’ që të ishte kujdesar në punë, nga edhe kishte ardhur një person me dorën shumë të lënduar.  Pacienti tash pas një viti, i ka bërë apel doktorit që t’i postojë fotografitë e rastit dhe të vetëdijësohen qytetarët se çka mund të shkaktojë përdorimi i fishekzjarreve.

‘’Me kerkese te pacientit po i postoj disa foto nga rasti i tij dhe disa raste tjera nga shume e shume raste te shkaktuara nga mjetet pirroteknike vitin e kaluar nga festimet e vitit te ri! Mbase vjet isha kujdestar me 31.12. kam “fatin” te jem dhe kete vite kujdestar andaj festoni me zemer jo me arme jo me mjete pirroteknike !’’, ka shkruar Korab Berisha.

KUJDES, pamje të rënda!