Një ditë më parë në Kuvendin e Kosovës ka ndodhur një përplasje mes kryeministrit Ramush Haradinaj dhe deputetes Mimoza Kusari Lila.

Teksa po debatonin për tema të tjera, Haradinaj ia përmendi asaj një vizitë të delegacionit të Kosovës te ish-diktatori i Libisë Gaddafi.

I tha se ai nuk vallëzon para tij, por punon për vendin. Por ajo nuk u lëshua në këtë debat.E në Fakt Plus në Tribuna Channel tha dy fjalë për të.

“Unë konsideroj me atë çasje dhe komunikim ka ulur vetën dhe ka ofenduar Paralementin e Kosovës, përmes ofendimit që ka bërë në parlament”, tha Kusari Lila.

Kur u pyet nëse pret kërkim falje nga ai, tregoi se çfarë pret prej tij.

“Nuk ka rëndësi kërkim falja. Mjafton ta ketë vetën në kontroll. Ka rëndësi përfaqësimi i Kosovës e jo shfryrja e inateve personale.

Nëse ka këtë qasje kemi problem me përfaqësimin e vendit”, tha ajo.