Gaz lotsjellës në protestën kundër Trump-it në Liban (VIDEO)

Përleshje të dhunshme kanë ndodhur para ambasadës amerikane në Liban kundër vendimit të presidentit amerikan, Donald Trump për të njohur Jeruzalemin si kryeqytet të Izraelit, transmeton Klan Kosova.

Forcat e sigurisë hodhën gaz lotsjellës dhe ujëhedhëset për të detyruar zmbrapsjen e protestuesve me flamuj në duar.

Gjatë natës, edhe ministrat arabë dënuan vendimin e Shteteve të Bashkuara.

Sipas saj, SHBA nuk mund të konsiderohen më tashmë si ndërmjetëse të paqes në Lindjen e Mesme.

Forcat e sigurisë krijuan barrikada në rrugën kryesore që të çon drejt kompleksit të madh diplomatik.

Por kjo nuk ishte e vetmja demonstratë, pasi njerëz të shumtë protestuan edhe jashtë Ambasadës amerikane në kryeqytetin indonezian, Xhakarta, disa prej të cilëve me parulla ku lexohej “Palestina është në zemrat tona”.