Revista prestigjoze “Forbes” shpalli këtë fundvit edhe listën e artistëve më të pasur në glob, listë e cila kryesohej nga Beyonce me të ardhura 105 milion dollarë dhe më pas pasohej nga Adele me 69 milion $.

Të gjitha këto të ardhura janë pasqyruar pas llogaritjes së taksave dhe shpenzimeve të tjera ekstra.

Sërish “Forbes”, me një përllogaritje të thjeshtë nga qershori i 2016-ës deri në qershorin e 2017-ës, harku kohor që mat pasurinë  e të famshmëve, ka treguar edhe sa para ka fituar kryesuesja e listës në një minutë.

Në një hark kohor prej një minute, Beyonce ka fituar plot 202 dollarë (të pataksuar) ndërkohë që paga mesatare vjetore në Shqipëri për këtë vit ka qenë afërsisht 209 euro neto.