Kompanitë t’u mundësojnë të punësuarve harmonizim të detyrave të punës dhe atyre familjare

Kompanitë në Maqedoni duhet të synojnë drejt asaj që t’u mundësojnë të punësuarve harmonizim të detyrave punuese me obligime familjare. Për realizimin e këtij qëllimi nevojitet të ngrihet vetëdija te punëdhënësit, të vendoset orar fleksibil pune dhe kopshtet për fëmijë të punojnë me turn të dytë.

Kryetari i Konfederatës së biznesit të Maqedonisë, Mile Boshkov, vlerëson se të punësuarit janë kapitali më i rëndësishëm i kompanive dhe se krijimi i kompanive të cilat janë miqësisht të prira ndaj familjeve, do të ndikojnë që të mbahen kuadrot cilësore të punës dhe të rinjtë të mos e braktisin shtetin.

Sipas ministres të Punës dhe Politikës Social Mila Carovska, shteti tashmë punon në krijimin e kushteve për inkuadrim më të madh të grave në tregun e punës. Në këtë drejtim, është vendosur turn i dytë në kopshtet për fëmijë, ndërsa do të financohet edhe zhvillimi i shtëpive për pleq sepse statistikat tregojnë se gratë në Maqedoni ende kujdesen për fëmijët e tyre dhe për personat e moshuar në familje dhe nuk kanë kohë të kyçen në tregun e punës.

Nga ana tjetër gratë sipërmarrëse thonë se punojnë 50 deri 60 orë në javë dhe nuk kanë kohë për obligimet familjare. Nga Shoqata e grave sipërmarrëse vlerësojnë se duhet të bëhen ndryshime të caktuara sociale siç është puna e kopshteve, krijimi i kushteve për kujdes të personave të moshuar dhe inkuadrim më i madh i burrave në aktivitetet e gruas.

Praktikat e tilla, gjegjësisht kompani me prirje miqësore ndaj familjeve tashmë ka në Slloveni dhe në Kroaci.