Një incident i rëndë ka ndodhur në zyrën e kryetares së komunës së Haraçinës dje pasdite. Një person është future në zyrat e komunës dhe është drejtuar në zyrën e Milikije Halimit. Mirëpo kur ka vërejtur që nuk është aty, i është drejtuar njërit prej të punësuarve dhe është larguar, njoftoi MPB.

“Me 23 nëntor rreth orës 22 e 30 minuta A.H. nga fshati Haraçinë ka paraqitur në polici se rreth orës 15 e 30 minuta në zyrën e kryetares së komunës së Haraçinës është future S.A. dhe ka thënë se do ta djegë ndërtesën e komunës, pastaj është larguar nga vendi i ngjarjes. Po ndërmerren masa për ndriçim të rastit”, thuhet në njoftimin e policisë.