Ambasadori i Shteteve të Bashkuara të Amerikës pranë OSBE-së në Vjenë, Harry Kamian thotë se ish-ministri i Brendshëm, Saimir Tahiri është implikuar nga autoritetet italiane për mbështetje ndaj trafikantëve të drogës.

Teksa përshëndet emërimin e Bernd Boshard në krye të misionit të OSBE-së në Shqipëri, ai thekson se korrupsioni dhe kriminaliteti mbetet pengesa kryesore për prosperitetin e vendit.

“Korrupsioni dhe kriminaliteti në të vërtetë mbeten pengesa për prosperitetin në Shqipëri. Një ish-ministër i brendshëm – i cili tani është anëtar i Parlamentit – është implikuar në Itali për mbështetjen e trafikantëve të drogës.

Z. Ambasador, duke iu drejtuar këtyre dhe problemeve të tjera, koordinimi midis aktorëve ndërkombëtarë do të vazhdojë të jetë një nga çelësat e suksesit”, theksoi ai.