Roma nuk do të ketë në dispozicion për dy ndeshjet e radhës me Spal dhe Chievon kapitenin Daniele De Rossi. Mesfushori është pezulluar 2 javë për shkak të sjelljes josportive ndaj sulmuesit Lapadula në takimin me Genoan në “Marassi”, që përfundoi 1-1.

Në pjesën e dytë, në zhvillimin e një goditjeje këndi, 34-vjeçari pëveçse e mbajti nga fanella, e goditi edhe me shuplakë kundërshtarin. Gjyqtari kryesor e nxori kartonin e kuq, pasi vendosi të rishihte pamjet nëpërmjet sistemit VAR.