Ministri i Mbrojtjes së Serbisë, Aleksandar Vulin ka thënë se çdo akademi ushtarake në botë do të donte të shihte gjeneralët që kanë marrë pjesë në luftëra të sjellin përvojat e tyre.
Ai për Radio Televizionin e Serbisë ka ripërsëritur se Vladimir Lazareviq, Bozhidar Deliq, Ljubisha Dikoviq gjeneralë këta të ushtrisë serbe, që udhëhoqën luftën në Kosovë, do të kthehen për të ligjëruar në Akademinë Ushtarake të Serbisë.

“A mendoni se ka një universitet në botë ku, nëse ka një mundësi, nuk iu jep gjeneralëve dhe liderëve të shquar pjesëmarrës në luftë për të ndarë përvojat e tyre”, tha Vulin,  transmeton Klan Kosova.