Jubileu 50 vjet nga prodhimtaria e çelikut të Maqedonisë dhe 20 vjet nga ekzistimi i “Makstil/Duferko” është shënuar sonte në Shkup.

Kryetari i Këshillit të drejtorëve të Makstil dhe anëtar i Bordit të Duferkos, Minço Jordanov në solemnitetin e sontëm theksoi se shumë pak kompani mund të lavdërohen me gjysmë shekulli prodhim dhe se potenciali i vërtetë të kompanisë nuk është shfrytëzuar në të kaluarën.

“Gjithë këto vite ne kemi ndërtuar raporte të fuqishme afariste në bazë afatgjate me partnerët tanë edhe në hyrje edhe në dalje. Makstil asnjëherë edhe në periudhën e kaluar, e sidomos tani nuk ka zhvilluar politika ditore në shitjet dhe në furnizime. Thelbi është që ndërmarrjet e këtilla të fokusohen në raporte afatgjate që të cilat do të bazohen në interes të ndërsjellë dhe në dobi nga bashkëpunimi i këtillë”, tha Jordanov.

Макстил

“Maksti” vitin e kaluar ka investuar rreth 70 milionë euro në modernizim, rregullim të hapësirës, si dhe në projekte për mbrojtje të mjedisit jetësor.

Zëvendëskryeministri për çështje ekonomike, Koço Angjushev në fjalim theksoi se sa ajo vepër, gjegjësisht ndërtimi i Kombinatit të atëhershëm metalurgjik në vitin 1967, ka qenë grandioz, tregon vetë fakti se ne edhe pas 50 viteve nuk kemi bërë vepër më të madhe.

Në 50 vitet e fundit industria e çelikut dhe Hekurana, siç theksoi Angjushev, kanë kaluar shumë sfida, ndërsa fabrika pas pavarësisë është privatizuar.

Ajo që është shumë pozitive në punën e kompanisë, sipas Angjushev, është fokusi i tyre drejt eksportit të prodhimeve.