Fill pas pushimit të seancës ku do të vendoset për fatin e Saimir Tahirit, ka reaguar përmes një statusi kryeministri Edi Rama.

Ashtu siç deputetët socialistë mbrojtën Tahirin në seancën e Këshillit të Mandateve, kryeministri ka bërë një kthesë 180 gradë, duke i cilësuar deklaratat e prokurorisë si një muhabet pazari i cili sipas tij ka nisur 72 orë më parë nga “kazanët” e krimit, politikës e medias.

Ashtu si edhe deputetët socialistë, të cilët gjatë 3 orëve të seancës kanë aluduar se prokuroria nuk ka prova konkrete, edhe kryeministri e ka shprehur hapur se është në pritje të tyre.

“Deri këtu muhabet pazari nga 72orë çorbë në kazanet e krimit politikës medias! Të presim me vullnet të plotë për drejtësi PROVAT”-shkruan Rama në rrjetin social.