Mbrojtësi brazilian, Marcelo, është lojtari i radhës i Real Madridit që do hetohet për mospagim taksash. Atij i janë bllokuar llogaritë, nga të njëjtët prokurorë që po hetojnë edhe Cristiano Ronaldon.

Sipas gazetës katalonjase, “Mundo Deportivo”, Agjencia Spanjolle e Taksave (AEAT) ka përpiluar dosjen dhe është radha e prokurorëve të vendosin nëse Marcelo do përballet me ligjin apo jo.

Ylli brazilian ka deklaruar në vitin 2013 se ka paguar 350,000 euro të drejta imazhi, të kaluara nëpërmjet një skeme, duke paguar më pak taksa se sa i takojnë.

AEAT deklaron se Marselo, nëpërmjet kësaj skeme, ka kryer evazion fiskal dhe duhet të paguante më shumë taksa.

29-vjeçari ka mohuar gjithçka dhe thotë që është në rregull me ligjin.