Në Prizren dje është arrestuar një shtetas i Turqisë, anëtar i lëvizjes të predikuesit islamik Fetullah Gjylen, pas të cilit është lëshuar edhe fletëarrest ndërkombëtar.

Sipas vendimit të prokurorsië, të dyshuarti i është përcaktuar masa parapurgim.

Bëhet fjalë për shtetasin Ugur Toksoj,  i cili është një ndër përfaqësuesit e vullnetarëve të Lëvizjes Gjylen në Kosovë. Ai ka punuar si edukator në Fondacionin “Atmosfera”, i cili ushtron aktivitet arsimor në Kosovë prej vitit 2004.

Toksoj është arrestuar nën akuzën  për “pjesëmarrjes në tentativën e grushtit të shtetit” që ndodhi në korrik të vitit të kaluar në Turqi. Ai sot është marrë në pyetje  nga Gjykata e Kosovës ndërsa ka qenë  i pajisur me dokumente të rregullta dhe me leje qëndrimi valide në Kosovë.