Zëdhënësi i Komisionit Evropian, Margaritis Shinas ka theksuar se Katalonia dhe Kosova janë raste të ndryshme dhe si të tilla nuk mund të krahasohen

Rasti i Katalonisë që po kërkon pavarësi nga Spanja nuk mund të krahasohen në asnjë mënyrë me Kosovën. Kështu ka deklaruar zëdhënësi i Komisionit Evropian, Margaritis Shinas, pasi mediet serbe kanë krijuar ngjashmëri në mes dy vendeve.  Ai ka theksuar se Katalonia dhe Kosova janë raste të ndryshme dhe si të tilla nuk mund të krahasohen, raportojnë mediet serbe.

“Kur ishte në pyetje njohja e Kosovës, ishte një kontekst shumë specifik. Ky qëndrim u miratua nga deklarata e ndryshme të OKB-së dhe bashkësia ndërkombëtare. Konteksti ishte shumë i veçantë, me arsye të veçanta”, tha Shinas, transmeton lajmi.net

Tutje nga një referendumi i mbajtur dje në Kataloni, pas përleshjeve me policinë u lënduan mbi 900 persona. Serbët e kanë kritikuar këtë referendum, duke e krahasuar rastin e Katalonisë me Kosovën. Pikërisht edhe një nga arsyet pse Spanja nuk e njeh Kosovën si shtet, është rasti me Katalunasit.

Ndryshe, edhe presidenti serb, Aleksandar Vuçiq ka pyetur BE-në se si është e mundur që të kundërshtohet pavarësia e Katalonisë, e shpallur me referendum, dhe të pranohet pavarësia e Kosovës, pavarësi të cilën thotë se e kanë pranuar 22 shtete anëtare të BE-së, duke shkelur ligjin evropian të bazuar në të drejtën evropiane.

“Pas referendumit të Katalonisë dhe reagimit të Komisionit Evropian, se referendumi ishte i paligjshëm, unë mendoj se është e qartë se sa e vështirë është për ta ruajtur pavarësinë e Serbisë”, tha Vuçiq.

“Sot çdo qytetar i Serbisë mund të pyesë Bashkimin Evropian, se si referendumi për pavarësi i Katalonisë është i paligjshëm, ndërsa në rastin e Kosovës, ajo ka të drejtë të shkëputet pa referendum fare”, ka thënë Vuçiq, duke shtuar se kurrë nuk do të ketë një përgjigje ndaj serbëve, se si Katalonia nuk mundet e Kosova po, që të shpallin pavarësinë

Vuçiq tha se fuqitë botërore vendosën të luanin me rishikimin e kufijve në Ballkan, por tani kur problemi i njëjtë u erdhi para derës së tyre, situata po del të jetë shumë më serioze…

“Ne do të mbrojmë parimet evropiane dhe demokracinë, por ne do të mbrojmë pavarësinë tonë”, tha Vuçiq, duke shtuar se do të bashkëpunojë me fqinjët shqiptarë, por do t’u jetë mirënjohës vendeve evropiane që nuk e kanë njohur pavarësinë e Kosovës, siç janë: Spanja, Sllovakia, Rumania, Qiproja dhe Greqia.