Anthony Joshua është një bishë e vërtetë! Një gur me muskuj funksional. Njeri i cili jo vetëm se e kupton rëndësinë e ndërtimit të masës, por edhe fleksibilitetin dhe mobilitetin. Veç këtyre, ai ka edhe një goditje tejet të fortë.

Mbi të gjitha, trupi i tij duket me të vërtetë seksi dhe mashkullor, transmeton Telegrafi.

AJ për momentin po konsiderohet si një nga boksierët më të mirë që ka parë bota, por kjo nuk vjen falas e as me lotari. Ai punon për këtë, ndërsa shpeshherë i shpenzon 10 orë në palestër.

A jeni të inspiruar të stërviteni si një kampion? Nuk ju fajësojmë – prandaj, merrni lapsin, bëhuni gati dhe shënoni këto katër këshillat që Joshua ka për ju:

Rëndësia e muskujve të barkut

Joshua e thekson rëndësinë e të punuarit dhe të pasurit një bark të fortë si hekuri.

“Përderisa të qenit i madh mund të duket mirë në pasqyre, një trup i shëndetshëm dhe i fortë është më i rëndësishëm. Çdo muskul në trup duhet ta ketë vëmendjen e njëjtë nga ju – prandaj mos i shmangni ushtrimet e këmbëve, dhe në zemrën e të gjitha gjymtyrëve tuaja është barku. Pra, ushtrojeni barkun mirë! “

Mos ushtroni pa ndonjë qëllim të caktuar

Për AJ, përqendrimi është suprem. Ushtroni mençur, ushtroni shumë dhe gjithmonë jepeni më të mirën!

“Bëjeni më të mirën që mundeni; caktojani vetës një qëllim dhe përmbajuni atij qëllimi sepse gjithmonë do të përfundoni më mirë se ç’keni filluar”.

Nëse jeni në mesin e atyre personave që shëtitet në palestër, e bën një ushtrim të lehtë dhe fillon të rrijë në celular – atëherë ndaluni. Urgjent! Tejkalimi i limiteve shpije në progres, dhe nëse nuk dini si duhet të shënoni progres, ju nuk do të shkoni askund, që do të thotë ëndrrat tuaja do të mbesin asgjë. Thjesht, vendoseni në mendjen tuaj qëllimin ku dëshironi ta shihni veten dhe punoni për realizimin e atij qëllimi, transmeton Telegrafi.

Shijojeni

Përderisa ushtrimet e rënda janë pjesë e rutinës së Joshuas, ai përpiqet të argëtohet gjatë tyre.

“Mes seteve apo intervaleve, më pëlqen të qesh. Qeshja më jep një vetëbesim se jam i përsosur, se mund ta kalojë dhimbjen dhe të argëtohem njëkohësisht”, thotë AJ.

Cili është mesazhi i tij këtu? Mos i shikoni ushtrimet si detyrë, por gjejeni një ushtrim që ju pëlqen dhe argëtohuni me të për të arritur rezultate më të mëdha.

Vendosmëria!

Për syrin e patrajtuar, boksi është sport i dhunshëm dhe agresiv, por kështu nuk e sheh kampioni. “Unë kam mësuar se duhet të jeni të vendosur. Nuk është dhunë apo agresion. Është thjesht vendosmëri”.

E njëjta mund të thuhet për ushtrimet fizike – të ushtruarit shumë nuk mjafton, por duhet të kaloni nëpër rrugë të vështira dhe të qëndroni të vendosur. Suksesin mund ta arrini vetëm me vendosmëri të plotë.